Жақында Иран Ислам Республикасының астанасы Тегеран қаласында ат үстінде садақ атудан ХVІ Әлем чемпионаты аяқталды.
Соңғы жылдары ат үстінде шауып келе жатып садақ ату өнері дүниежүзінде қарқынды дамып отыр. Бұл реткі сайысқа әлемнің 12 елінен 22 мерген қатысты. Әлем мергендері корей, мажар (кассай) және түрік (қабақ) стилінде сынға түсті.
Маңызды сайысқа еліміз атынан қатысқан Түркістан облыстық Ұлттық спорт мектебінің мергені Айкөз Ералхан сайыстың алғашқы күні корей стилінде садақ атудан үздік шығып, алтын медаль иегері атанса, келесі күндері мажар және түрік стильдері бойынша қос бірдей күміс жүлде жеңіп алды. Сондай-ақ жарыс қортындысы бойынша жалпы есепте екінші орынға ие болып, халықаралық жарыстың вице-чемпионы атағына қол жеткізді.