Атырау облысында коронавирус инфекциясын жұқтырғандар саны күрт азайды, деп хабарлайды Egemen.kz.
Облыстық денсаулық сақтау басқармасының баспасөз қызметінен мәлім еткендей, соңғы тәулікте 23 адам қауіпті вирусқа шалдыққан.
Оның ішінде Атырау қаласында 15 науқас тіркелген. Теңіз кен орнында – 1, Қызылқоға ауданында – 5, Құрманғазыда – 2, Мақат ауданында 1 адамнан коронавирус белгісі табылған.
«Өткен тәулікте 124 науқас сауығып шықты. Қазір үй жағдайында 541 адам емделіп жатыр. Сондай-ақ, модульдік ауруханада – 112, №2 облыстық ауруханада – 58, аудандардағы инфекциялық стационарларда – 36, Теңіз кен орнындағы стационарда 69 пациент оқшауланған», деп хабарлады басқарманың баспасөз қызметі.