«Қазгидромет» РМК-сы қазанның 7-сі күнгі ауа райы болжамын жариялады, деп хабарлайды Egemen.kz.
Кәсіпорын таратқан мәліметтерге қарағанда, 7-қазан күні республиканың басым бөлігінде солтүстік-батыс антициклонының әсерінен күн жауын-шашынсыз болады. Тек еліміздің солтүстік-шығысында, шығысында және таулы аймақтарында қар аралас жаңбыр жауады.
Солтүстікте, орталықта және оңтүстік облыстарда жел күшейеді, түнде және таңертең тұман түседі, оңтүстік-батыста шаңды дауыл тұрады. Алматы облысының таулы аудандарында тұман түседі. Алакөл көлдері аумағында желдің күші 15-20 м/с.
Жамбыл облысының таулы аудандарында тұман түседі, оңтүстік-батыста, солтүстік-шығыста және таулы аудандарда жылдамдығы секундына 15-20 метрге дейін жел тұрады, күндіз екпіні 23-28 м/с болады.
Ақмола, Павлодар облыстарының шығысында, солтүстігінде тұман түседі. Түркістан облысының солтүстігінде, батысында және таулы аймақтарында жел 15-20 м/с жылдамдықпен соғады, екпіні 23-28 м/с болады.
Қызылорда облысының орталығында түнде жел секундына 15-20 метрге дейін күшейеді, күндіз 15-20 м/с, облыстың орталығы мен оңтүстігінде екпіні 23-28 м/с болады, облыс орталығында шаңды дауыл тұрады.
Күндіз Маңғыстау облысының солтүстік-батысында және солтүстік-шығысында жел секундына 15-20 метрге дейін күшейеді. Облыстың солтүстік-шығысында шаңды дауыл тұрады.
Түнде және таңертең Солтүстік Қазақстан облысының батысында тұман түседі, күндіз солтүстікте, облыстың шығысында желдің секундына 15-20 метрге дейін күшейеді. Күндіз Қарағанды облысының оңтүстігінде желдің секундына 15-20 метр жылдамдықпен ұйытқиды.