EXPO-2020 Dubai дүниежүзілік көрмесінде Қазақстан Республикасының Ұлттық павильонының жұмыс аптасының басталуы «ҚазСтандарт» РМК басшылығының стандарттау және метрология саласындағы халықаралық әріптестерімен іскерлік кездесулерімен ашылды, деп хабарлайды Egemen.kz.
Қазақстандық павильон алаңында ҚазСтандарт басшылығының Әмірліктердің халықаралық аккредиттеу орталығы (EIAC) және Моңғол стандарттау және метрология агенттігі (MASM) өкілдерімен кездесулер өтті.
Іскерлік кездесулер барысында тараптар Қазақстандағы ауыл шаруашылығы өнімдері сапасының инфрақұрылымын, халал-индустрияны дамытуды талқылады, ал кездесулердің басты қорытындылары халал өнімдерінің сәйкестігін бағалау жөніндегі қазақстандық органды аккредиттеу туралы келісімге, сондай-ақ ет және ет өнімдерінің экспорты саласындағы ұлттық стандарттарды тарату туралы келісімге қол қою болды.
Сонымен қатар 5 қазанда ҚазСтандарт Президент – Сауд әл-Хусаиби бастаған Парсы шығанағындағы араб мемлекеттерінің Ынтымақтастық кеңесінің стандарттау жөніндегі ұйымының өкілдерімен кездесті.
Кездесу барысында тараптар Қазақстандағы және Парсы шығанағы елдеріндегі ауыл шаруашылығы өнімдері сапасының инфрақұрылымын талқылады, бірақ басты тақырып ҚазСтандарт пен GSO ынтымақтастығының ықтимал нұсқалары болды.
Кездесу байланыс топтарын құру, стандарттармен және оларды әзірлеу тәжірибесімен алмасу, сондай-ақ сарапшылармен алмасу үшін тағылымдамалар ұйымдастыру сияқты шаралар кіретін 2021-2022 жылдарға арналған іс-шаралар жоспарына қол қойылды.
ҚР павильоны Қазақстанның БАӘ-дегі туристік орталығы ғана емес, сонымен қатар еліміздің ірі халықаралық кәсіпорындармен жемісті ынтымақтастыққа бағытталған іскерлік платформа болып табылады.