Павлодарда өртенген тұрғын үйден 60 адам эвакуацияланды, деп хабарлайды Egemen.kz.
«10 қазан күні сағат 21:49-да Павлодар қаласы, Қатаев көшесі, 101 мекен-жайы бойынша өрт шыққаны туралы хабарлама келіп түсті. Жертөледегі металл штепсельдер жанып кеткені анықталды», деді төтенше жағдайлар департаменті.
Өрт сөндірушілер өртті сөндіру үшін жертөледегі металл штепсельдерді бөлшектеуге тура келгенін атап өтті. Бұл бөлмедегі түтінді кетіруге көмектесті.
«Өрт сөндіру бөлімшелері келгенге дейін сатылы марш бойынша 60 адам, оның ішінде 13 бала өздігінен эвакуацияланды. Өрт 22:24-те жойылды», деп толықтырды ТЖД.
Төтенше жағдай қысқа тұйықталу салдарынан болды. Шығын анықталуда, деп толықтырды департамент. Жалынды жеке құрамның 30 адамы, Апаттар медицинасы орталығының және қалалық желінің қызметкерлері сөндірді.