Тараз қаласының тұрғыны көпқабатты үйдің төртінші қабатына өрмелеп шығып, балконға қамалып қалған бүлдіршінді құтқарды, деп хабарлайды Egemen.kz
Таразда кәмелетке толмаған қыз пәтердің балконына шыққан кезде есік жабылып, қайтып кіре алмаған. Сол кезде өтіп бара жатқан жас жігіт жылаған бүлдіршінді көріп, 4-ші қабаттағы үйдің балконына өрмелеп шығып, есікті ашып берген. Жігіт дүкенге кеткен қыздың анасы қайтып келгенге дейін оның жанында болған.
«Кәмелетке толмағандар ісі жөніндегі учаскелік полиция инспекторлары қыздың ата-анасымен профилактикалық әңгіме жүргізді. Қазіргі уақытта Тараз қаласының Полиция басқармасы 1-ші полиция бөлімінің басшылығы жас жігітті марапаттау туралы мәселені қарастыруда», дейді облыстық полиция департаментінің өкілі.