Орта салмақта WBC тұжырымы бойынша әлем чемпионы Джермалл Чарло кезекті мәрте IBF және IBO тұжырымдары бойынша әлем чемпионы Геннадий Головкинді жекпе-жекке шақырды, деп хабарлайды Egemen.kz.
«Мен оны жеңе аламын. Сергей Деревянченконы қалай ұтқанымды көрдіңіздер. Оны жеңу Головкинге оңай соққан жоқ. Шынын айтқанда жасы біразға келген боксшыны шайқасқа шақыру маған керек те емес. Бірақ Головкинде әлем чемпионының белбеуі бар. Мен белбеулерді біріктіргім келеді. Сондықтан осы жекпе-жекті ұйымдастырайық» деді ол.
Әрине, Чарло Головкинді жекпе-жекке шақырудан шаршамайды. Бірақ қазақстандық боксшымен әзірге қолғап түйістіру мүмкін емес.