«Әрине, биологиялық тұрғыдан алғанда, бір уақытта басқа вирустың пайда болатыны сөзсіз. Оған тежеу жоқ», деді Дүниежүзілік денсаулық сақтау ұйымының бас директоры Тедрос Адханом Гебрейюс «үлкен жиырмалықтың» денсаулық сақтау және қаржы министрлерінің отырысында, деп хабарлайды Egemen.kz.
ДДСҰ басшысының пікірінше, келесі пандемияға дайындалу үшін қазіргі пандемиядан сабақ алу керек. Бұған дейін ДДСҰ басшысы коронавирустық пандемия адамзат ниеттенсе, аяқталады деп мәлімдеген. Өйткені әлемде ауруды жеңудің барлық қажетті құралдары бар.