Қостанайдағы «СарыарқаАвтоПром» автомобиль зауытының конвейерінен 150 мыңыншы автомобиль шықты.
Мерейтойлық автокөлік қазақстандықтар арасында кең сұранысқа ие, Қазақстанның автомобиль нарығында көшбасшы болып тұрған Chevrolet Nexia моделіне тура келді. Мәселен, биылғы үш тоқсанда көліктің осы түрінен 9 мыңнан астам автомобиль сатылды.
2021 жылдың тоғыз айда «СарыарқаАвтоПром» 38 мыңнан астам автомобиль шығарды, бұл өткен жылдың осы кезеңімен салыстырғанда 147%-ға артық. Пандемияға қарамастан, автозауыт жылына 60 мың автокөлік шығарып келеді.
Қостанай зауыты бүгінгі таңда JAC, Chevrolet, Kia, Renault, Lada, SAZ брендтердің өнімдерін шығарады.
Елдің ішкі нарығын қамтумен қатар, биыл отандық өндірістің 5 мыңнан астам көлігі Ресей Федерациясына, Қырғызстан, Өзбекстан, Әзербайжан мен Беларусь Республикаларына экспортқа жіберілді.
Кәсіпорынның табыстары мен жетістіктері – зауыт ұжымының кәсіби шеберлігі мен қажырлы еңбегінің жемісі. Қостанай зауытында 1800-ден астам адам жұмыс істейді, олардың SAP University-де тұрақты негізде оқу және біліктілігін арттыру мүмкіндігі бар.