Павлодарда балалар әкесі қолданған жазадан кейін ауруханаға түсті, деп хабарлайды Egemen.kz.
Оқиға биыл қазанда болған. 7 жасар қызымен және 6 жасар ұлымен үйде отырған әке балаларын тыңдамағаны үшін ұрған. Оның айтуынша, балалар балконға жүгіріп, ескертулеріне құлақ аспаған. Содан кейін күш қолдануға шешім қабылдаған. Кішкентайының бірден екі түсін түсірген. Таяқ жеген, жылаған балаларды 36 жастағы павлодарлық тауып алған. Ал әйелі жұмыстан оралғанда, күйеуі үйде болмаған. Ол бірден полиция шақырып, дәрігерге жүгінген.
«Екі бала да Павлодар облыстық балалар ауруханасының травматологиясына түсті. 2014 жылы туған қыз жұмсақ тіндердің көгеруіне, оң жақ иық сүйегі, жабық бассүйек-ми жарақатына және ми шайқалуына байланысты қабылданды. Медициналық көмек көрсетілгеннен кейін ауруханаға жатқызудан және стационарлық емдеуден бас тартуға қол қойылды», деп хабарлады өңірлік денсаулық сақтау басқармасының баспасөз қызметі.