Қазақстан Республикасы Тәуелсіздігінің 30 жылдығына орай, Алматы қаласы әкімдігі «Алматы – Тәуелсіздіктің алтын бесігі» атты грантына әдеби байқау жариялайды, деп хабарлайды Egemen.kz.
Байқау Алматы қаласы әкімдігі мен Қазақстан Жазушылар одағының бірлесе ұйымдастыруымен ел тәуелсіздігінің 30 жылдығы аясында өткізіледі.
Ел Тәуелсіздігінің 30 жылдық мерейтойына орай, азаттықты дәріптеу, тарихқа үңілу - байқаудың басты мақсаты. Алматының бүгінгі бейнесін көрсету үшін аға буын қаламгерлер мен жастарды осы байқауға тарту көзделген. Қазақ әдебиетінің қазіргі әлеуетін байқатып, жастардың шығармашылығын насихаттау мақсатында ұйымдастырылып отырған өнер бәйгесіне өтініштер 26 қарашаға дейін қабылданып, сарапшылар шешімімен іріктелгендері келесі кезеңге өтеді. Ел руханияты мен қазақ әдебиетіне өз үлесін қосып жүрген барлық қаламгерлер қатыса алады.
Байқауға қатысушылар «Алматы – Тәуелсіздіктің алтын бесігі» атты ортақ тақырыпта әдеби жанрларға байланысты төмендегідей аталым бойынша бақ сынайды: Поэзия; Проза; Балалар әдебиеті (поэзия немесе проза); Драматургия;ПОЭЗИЯ АТАЛЫМЫ БОЙЫНША
Үміткерлер байқауға екі өлеңімен қатысады:
Тақырыпқа байланысты бір өлең Еркін тақырыптағы өлеңі; Қатысушыға қойылатын талаптар: Байқауға қатысушы берілген тақырып бойынша өзінің бір арнау өлеңімен және еркін тақырыптағы бір өлеңімен қатысады; Өлеңнің көлемі 3 беттен аспау керек (А 4 форматында); Өлеңнің көркемдігіне, тақырыпты ашуына, ой ұшқырлығына басты назар аударылады;Өлең Microsoft Word түрінде ( Times New Roman 14) жазылып jazushylar_odagy@mail.ru эл.поштасына жіберілуі керек;
ПРОЗА АТАЛЫМЫ БОЙЫНША
Қатысушылар берілген тақырып бойынша прозалық шығарма жазады.
Жұмыстың көлемі 10 беттен аспауы керек;
Қатысушыға қойылатын талаптар: Әдеби жанрға тән қалыптарды сақтап, көркем мәтінде тақырыпты ашу; Байқауға қатысушылар еліміздің бүгінгі тыныс-тіршілігі мен отыз жыл ішіндегі өмірін суреттеген прозалық әңгімелерін жолдай алады. Сондай-ақ, Қазақстан тарихын арқау еткен әңгімелер де қабылданады; Шығарма Microsoft Word түрінде (Times New Roman 14) жазылып, jazushylar_odagy@mail.ru эл.поштасына жіберілуі керек;БАЛАЛАР ӘДЕБИЕТІ АТАЛЫМЫ БОЙЫНША
Қатысушылар берілген тақырып бойынша проза немесе поэзия аталымдары бойынша балаларға арналған шығармаларын ұсынады.
Қатысушыға қойылатын талаптар:
Әдеби жанрға сай ерекшеліктерді сақтай отырып, көркем мәтінде тақырыпты ашу; Жазылған жұмыстың көлемі 5 беттен аспауы керек (А 4 форматында); Шығарманың желісі тәуелсіздікпен байланысты болуы шарт; Шығарма Microsoft Word түрінде (Times New Roman 14) jazushylar_odagy@mail.ru эл.поштасына жіберілуі керек;ДРАМА АТАЛЫМЫ БОЙЫНША
Үміткер берілген тақырып бойынша драмалық шығармасын ұсынады.
Қатысушыға қойылатын талаптар: Қатысушылар аталған тақырыптық идеяның негізінде өз шығармаларын ұсынады; Драмалық шығарма І актылы немесе ІІ актылы бола береді; Шығарма Microsoft Word түрінде(Times New Roman 14) jazushylar_odagy@mail.ru эл. поштаға жіберілуі керек;Жоғарыда аталған аталымдар бойынша жіберілген жұмыстарды арнайы тағайындалған сарапшылар тексеруден өткізіп, үздік деп танылған жұмыстар қорытынды жиында марапатталады.
Әр жанрды сараптаушылар 3 адамнан. Жалпы саны 12 адам. (Жабық түрде)
БАЙҚАУДЫҢ МАРАПАТТАУ КЕЗЕҢІ
Байқауға қатысушыларды марапаттау кеші Алматы қаласы әкімдігінің және Қазақстан Жазушылар Одағы басқармасының ұйымдастыруымен өткізіледі. Марапаттау кешіне елімізге белгілі әдебиет өкілдері мен қоғам қайраткерлері қатысады; Әр номинация бойынша бір ғана жеңімпаз анықталады; Әр аталым бойынша тағайындалған қазылардың шешімімен анықталған үздік жұмыстар республика көлемінде дәріптеледі. (БАҚ-да, Теле бағдарламаларда)БАЙҚАУҒА ҚАТЫСУ ШАРТТАРЫ Байқауға қатысушылар жазылған жұмысымен бірге төменде көрсетілген (қосымша 1) үлгі бойынша өтініштерін толтырып, өзінің аталымы бойынша электронды мекен-жайға жібереді.
Қосымша 1
Өтініш беру үлгісі
Қатысушының аты-жөні
Қатысушының аталымы, шығармасының атауы
Туған жылы, айы, күні
Мекен-жайы, (облыс, қала, аудан, ауыл)
Электронды мекен-жайы
Байланыс номері
Ескерту! Өтініштің қате толтырылғандығы үшін ұйымдастырушылар жауап бермейді.