Шығыс Қазақстан облысында қар көшкіні жүруі мүмкін, деп хабарлайды Egemen.kz.
ШҚО Төтенше жағдайлар департаменті баспасөз қызметінің мәліметіне сүйенсек, өңір бойынша метеорологиялық жағдайдың өзгеруіне, жиі жаңбыр мен қар жаууына және желдің күшеюіне байланысты қар көшкіні жүру қаупі туындап отыр.
«26-30 қараша аралығында облыстың таулы жерлерінде қар көшкіні түсуі ықтимал. Осы ретте тұрғындарға барынша абай болуды, тауға шықпау қажеттігін ескертеміз. Егер қандай да бір қиындыққа тап болсаңыздар, бірден «112» нөміріне қоңырау шалыңыз», деп хабарлады ведомство өкілдері.