Сыбайлас жемқорлыққа қарсы іс-қимыл агенттігінің Жамбыл облысы бойынша департаменті облыстық Ұлттық қауіпсіздік департаментімен бірлескен жедел іс-шаралар аясында «Жамбыл жүк тасымалы бөлімшесі» ЖШС «ҚТЖ - Жүк тасымалы» филиалының басшысын ұстады, деп хабарлайды Egemen.kz.
Ресми мәліметке сәйкес, сыбайлас жемқорлыққа қарсы іс-қимыл агенттігі мен Ұлттық қауіпсіздік комитетінің облыстық департаменттері бірлескен операция өткізген. Сол кезде 800 мың теңге көлемінде пара алған «Жамбыл жүк тасымалы бөлімшесі» ЖШС «ҚТЖ - Жүк тасымалы» филиалының бастығы ұсталған.
«Аталған лауазымды тұлға қабылданған жылдық есептер бойынша оң шешім шығарғаны үшін, сондай-ақ ары қарай қамқорлық жасаймын деп ақша алған», делінген ресми хабарламада.
Қазіргі кезде тергеу шаралары жалғасып жатыр. Осыған байланысты өзге ақпарат жариялауға жатпайды.