Қазақстан жастар құрамасының жартылай қорғаушысы Арман Кеңесов кәсіби мансабын Қазақстан премьер лигасында жалғастыру туралы шешім қабылдады, деп хабарлайды Egemen.kz.
21 жастағы футболшы өз қалауымен ресейлік «СКА-Хабаровск» командасынан кету туралы шешім қабылдаған. Ол енді ел чемпионатында өзінің шеберлігін толыстыру мақсатында «Ақтөбе» футбол клубымен екі жылдық келісімшартқа қол қойды деген ақпарат тарады. Ол өткен маусымда қызылордалық «Қайсардың» сапында жасыл алаңға 25 мәрте шығып, 3 рет мергендігімен көзге түскен.