Орта салмақ дәрежесінде сынға түсіп жүрген қазақстандық кәсіпқой боксшы Қанат Исламның WBO International белдігінен айырылғаны бүгін белгілі болды. Енді сол бос тұрған белдікке тағы бір қазақ боксшысы таласады, деп хабарлайды Egemen.kz.
Соңғы деректерге сенсек, бос тұрған WBO International белбеуін қазақстандық кәсіпқой боксшы Мейірім Нұрсұлтанов иеленуге тырысып көрмек. 15 қаңтарға жоспарланған бокс кешінде шаршы алаңға көтерілетін Мейірім Нұрсұлтанов пен ресейлік Андрей Сироткин аталмыш белдікті сарапқа салады.
Ақтауда өтетін бокс кешінде Мейірім WBO International белбеуін Қазақстанда қалдыруға бар күшін салады.