Түркістан облысы Келес ауданында ел Тәуелсіздігінің 30 жылдығына және облыстық «Жастар ресурстық орталығының» құрылғанына 10 жыл толуына арналған республикалық «Ой дода» интеллектуалды сайысы өтті.
Елбасы Нұрсұлтан Назарбаевтың «Болашаққа бағдар: рухани жаңғыру» бағдарламасы және «Елдіктің жеті тұғыры» қағидатының алтыншы – «Білім мен еңбек – бақуатты өмірдің кілті» атты тармағы аясында өткен білім сайысына Алматы, Шымкент қалалары, Жамбыл, Қызылорда және Түркістан облыстарынан 39 топ бақ сынады. Еліміздің білімді жастарының басын қосқан сайыс өте тартысты өтті. Нәтижесінде, үшінші орынды Түркістан облысының құрамасы, яғни Key To Life командасы иеленсе, екінші орынды Сайрам ауданының «Эрудит» командасы еншіледі. Ал бірінші орынды Алматы қаласының «Әл-Фараби» командасы жеңіп алды. Жеңіске жеткен командаларға аудан әкімі атынан арнайы Алғыс хат және қаржылай сыйлықтар табысталды. Сондай-ақ «Үздік ойыншы», «Үздік капитан», «Үздік жауап» аталымдары бойынша да үздіктер марапатталды.
Түркістан облысы