Еліміздің алты облысында дауылды ескерту жарияланды, деп хабарлайды Egemen.kz «Қазгидромет» РМК-ға сілтеме жасап.
Ақмола облысының оңтүстік-батысында тұман түседі.
Шығыс Қазақстан облысының солтүстігі мен оңтүстігінде тұман түседі. Солтүстік-батыстан соққан жел 15-20 м/с жылдамдықпен соғады, түнде ауа температурасы 21-26 градусқа дейін төмендейді, облыстың солтүстік-шығысында 33 градус аяз болады.
Батыс Қазақстан облысының солтүстік-батысында тұман түседі. Орал қаласын түнде және таңертең тұман басады.
Қызылорда облысының солтүстігінде тұман болады. Солтүстік-шығыстан жел соғады, түнде облыс орталығында 15-20 м/с жылдамдықпен соғады.
Маңғыстау облысының солтүстігінде және орталығында тұман.
Түркістан облысының батысында, таулы, тау бөктеріндегі аудандарында тұман болады.