ЕАЭО органдарындағы төрағалық Қырғызстан Республикасына өтті, деп хабарлайды Egemen.kz Еуразиялық экономикалық комиссияның баспасөз қызметіне сілтеме жасап.
2022 жылы Қырғыз Республикасы Жоғары Еуразиялық экономикалық кеңеске, Еуразиялық үкіметаралық кеңеске және Еуразиялық экономикалық комиссия кеңесіне төрағалық ететін болады.
Төрағалық ету шеңберінде Жоғары Еуразиялық экономикалық кеңестің отырысы және мамыр айында Бішкекте Еуразиялық экономикалық форумды өткізу, тамызда дәстүрлі түрде Ыстықкөл көлінің жағалауында Еуразиялық үкіметаралық кеңестің отырысы, сондай-ақ басқа да сараптамалық іс-шаралар жоспарланған.
Жақын арада Қырғыз Республикасының Президенті, Жоғары Еуразиялық экономикалық кеңестің төрағасы Садыр Жапаровтың Қырғызстанның ЕАЭО органдарындағы төрағалығының басым бағыттарымен Еуразиялық экономикалық одақ мемлекеттерінің басшыларына үндеуі күтілуде.
ЕАЭО туралы шартқа сәйкес жоғары кеңесте, үкіметаралық кеңесте және комиссия Кеңесінде төрағалық етуді ротациялық негізде орыс әліпбиі тәртібімен бір мүше мемлекет күнтізбелік бір жыл ішінде ұзарту құқығынсыз жүзеге асырады.