Жәнібек Әлімханұлы америкалық Деметриус Андрадемен жекпе-жекке шығуға дайын екенін мәлімдеді. Бірақ Андраденің жекпе-жекке келісетіні әлі белгісіз, деп хабарлайды Egemen.kz.
Бұған дейін Бүкіләлемдік бокс ұйымы Деметриус Андрадені Жәнібек Әлімханұлына қарсы жекпе-жекте чемпиондық белдікті қорғауға міндеттеген болатын.
Американдықтың таңдауы бар - белдікті босату немесе титулды міндетті қорғауға келісу.
Андраденің промоутері Эдди Хирн оның шәкірті қазақстандықпен боксқа бармайтынын хабарлады. Ол Деметриус белдікті босатып, супер орта дивизионға көтерілуге мәжбүр болады деген пікір білдірді.
2 қаңтар күні Жәнібек Әлімханұлы Instagram парақшасында қысқа мәлімдеме жасады: «біз дайынбыз!».