Төтенше жағдай режимі жағдайында еліміздің медицина мекемелерінің жұмыс кестесі жарияланды.
Сонымен медицина мекемелерінің жай күндердегі жұмыс кестесі сағат 08:00-ден 20:00-ге дейін жалғасады. Ал демалыс күндері емханалар мен ауруханаларда кезекшілік режимі іске қосылады. Барлық ұйымдар, оның ішінде медициналық-санитарлық алғашқы көмек көрсету ұйымдары штаттық режимде жұмыс істеп жатыр. Алматы қаласынан басқа барлық өңірде жоспарлы медициналық көмек көрсетілуде. Ал Алматы қаласында медициналық көмек медицина қызметкерлерінің қауіпсіздігін ескере отырып күшейтілген режимде көрсетіледі.