Облыстық ішкі істер департаменті ұйымдасқан қылмыспен күрес басқармасының қызметкерлері «Ақтөбе – Астрахань» тас жолының бойында мемлекеттік тіркеу нөмірі жоқ тіркемелі «КамАЗ» автоцистернасын тоқтатты. Сөйтсе, Ембі қаласының 38 жастағы тұрғыны ешқандай құжатсыз мұнай тасымалдап келе жатыр екен. Сол кезде ұсталатынын білген ол лезде із жасырып үлгерді. Бұдан кейін оған қатысты алдын алу шарасы ретінде тұтқындау амалы қарастырылды.
Бұл дерек бойынша қылмыстық іс қозғалды. Көп ұзамай әлгі күдікті қолға түсті. Ұсталған күдіктінің мұнайды заңсыз тасымалдағаны үшін қылмыс жасау құралы болып табылатын мүлкі тәркіленіп, екі жылдан үш жылға дейін бас бостандығынан айырылуы мүмкін.
Ақтөбе облысы.