Қазақстан Республикасы Парламенті Мәжілісінің бұрынғы депутаты Нұртай Сабилянов «Қазақстан халқына» қорына 5 миллион теңге аударды, деп хабарлайды Egemen.kz.
«Қазақстан халқына» қорына 5 миллион теңге аударамын дегенім әлеуметтік желіде біраз талқыланыпты.
Айтарым, бұл кәсіпкерлікпен айналысып, тиісті салықты төлеп, тапқан табыстан көмек ретіндегі шын ниетім.
Бүгін «Қазақстан халқына» қорына 5 миллион теңге аудардым», деп жазды Нұртай Сабилянов фейсбуктегі парақшасында.
Айта кетейік, «Қазақстан халқына» қоры 11 қаңтардағы Қазақстан Республикасының Президенті Қасым-Жомарт Тоқаевтың тапсырмасымен құрылды. Соңғы ақпараттар бойынша, қоғамдық қорға 12 миллиард теңгеден аса қаражат жиналған.