Ұлыбританиялық кәсіпқой боксшы кіші Крис Юбенк отандасы Лиам Уильямсқа қарсы өтетін жекпе-жектен кейін IBF, IBO тұжырымдары бойынша орта салмақтағы әлем чемпионы, қазақстандық Геннадий Головкинге қарсы шаршы алаңға шығатынына сенімді, деп хабарлайды Egemen.kz sports.kz-ке сілтеме жасап.
«Уақытында Головкинге қарсы өтуге тиіс шайқастан бас тартқан жоқпын. Кездесудің ұйымдастырылмауы – менің кінәм емес. Сол кезде оған қарсы шыққан Келл Бруктың жағдайын көрдіңіздер. Көзін жарақаттап алды. Ал мен алдағы жекпе-жегімнен кейін Геннадий Головкинмен және кәсіпқой бокс әлемінің өзге де жұлдыздарымен шаршы алаңда жолығатыныма сенімдімін», дейді ол.