Шаңғы қоссайысынан ел намысын Шыңғыс Ракпаров қорғап жатыр, деп жазады Egemen.kz.
Алдымен спортшылар шаңғымен тұғырдан секіруден сынға түсті. Қазақстандық Шыңғыс Ракпаров 79.5 метрге секіріп, қорытынды есепте 69.9 ұпай иеленді.
Гундерсон жүйесіне сәйкес, шаңғымен жарысуға ол 38-ші болып шығады. Ракпаров көшбасшыдан 4 минут 12 секундқа қалып қойған.
Айта кетейік, әзірге жапониялық Риота Ямамото алда келеді. Ол 133 ұпаймен көш бастап тұр.
Сонымен қатар, бүгін шорт-тректен отандастарымыз мұз айдынына шығады. Аталған сайыста Ольга Тихонова, Әділ Ғалиахметов және Денис Никиша жарыс жолына шығады.