Жеңіл салмақ дәрежесінде бақ сынап жүрген талантты боксшылардың бірі Райан Гарсия мексикалық бапкер Эдди Рейносоның қызметінен бас тартты, деп хабарлайды Egemen.kz vRINGe.com-ға сілтеме жасап.
Шаршы алаңда 21 жекпе-жек өткізіп, қарсыластарының барлығынан айласын асырған АҚШ боксшысы Эдди Рейносомен жұмысын тоқтатып, жұмысын халықаралық Даңқ бокс залының мүшесі Джо Гуссенмен жалғастырғанды жөн деп тапқан.
Ол өз сөзінде: «Мен Эддимен 2018 жылдан бері бірлесіп жұмыс істедім. Тәжірибелі бапкерден көп дүниені үйренгенім рас. Шаршы алаңдағы еңбектен бөлек біз дос ретінде жақсы қарым-қатынаста болдық. Сондықтан да оған тек қана алғысымды білдіремін. Бапкер ретінде жаңа биіктерді бағындыра беруіне тілектеспін», деді.