Қостанай облысының құтқарушылары жоғалған шопанды іздеп тапты, деп хабарлайды Egemen.kz облыстық ТЖД баспасөз қызметіне сілтеме жасап.
Амангелді ауданында құтқарушылар жоғалған шопанды іздеуге шыққан.
«13 ақпан күні сағат 03:10-да Жарықой қыстағында жоғалып кеткен қойшы туралы хабарлама түсті. Бұл күні сағат 10:00-де 24 жастағы жас жігіт жолға шығып, оралмағаны белгілі болған. Сол күні сағат 14:00-де құтқарушылар Жарықой қыстауынан 30 шақырым жерде жоғалып кеткен шопанды тапты. Қатты боран салдарынан жігіт жол таба алмай адасқан», делінген хабарламада.