Бірінші орта салмақ дәрежесінде бақ сынап жүрген АҚШ боксшысы Джермелл Чарло мен аргентиналық Брайан Кастаньо арасындағы жекпе-жек уақыты кейінге шегерілді, деп хабарлайды Egemen.kz Vringe.com-ға сілтеме жасап.
Боксшылар бірінші жекпе-жекте әлемнің абсолютті чемпионын анықтай алмай тең түскен болатын. Олар екінші кездесуді 19 наурызда өткізуге бел буған еді. Алайда Кастаньоның жарақат алуына байланысты кездесу уақыты 3-4 аптаға кейін шегерілді. Соған қарағанда әлемнің абсолютті чемпионы сәуір айының аяғына қарай анықталатын секілді.