Жезқазғанда екі топ арасында жаппай төбелес болды. Төбелес шығарғандар ұсталды, деп жазады Egemen.kz.
Оқиға түнде Жезқазған қаласындағы Есенберлин көшесіндегі үйлердің бірінің ауласында болған.
Төбелес шамамен сағат 00.20-да орын алған. Алдын ала мәліметтер бойынша, оқ атылған. Сонымен қатар олар көлікті қиратқан. Бірнеше полиция жасағы екі-үш минут ішінде оқиға орнына келген.
«Оқиғаға қатысқандарды полиция қызметкерлері анықтап, Жезқазған қаласының полиция басқармасына жеткізді. Аталған факт бойынша ҚР ҚК-ның 293-бабы «Бұзақылық» бойынша қылмыстық іс тіркелді. Қазіргі уақытта оқиғаның мән-жайын анықтау бойынша тергеу шаралары жүргізіліп жатыр», деді қалалық полиция басқармасының өкілдері.