Украинадағы ҚР Елшілігі Одесса облысының аумағында қалып қойған қазақстандықтарға жүгінді, деп хабарлайды Egemen.kz.
Үндеу Елшіліктің Telegram-арнасында жарияланды.
«Құрметті Қазақстан Республикасының азаматтары!
Украинаның Одесса облысының аумағындағы Қазақстан азаматтары елден Молдова Республикасы арқылы шыға алады (Старо-Казачья, Паланка, Тудор және Серпневое-1 шекаралық өткелдері арқылы).
Украина мен Молдова шекарасына дейін өздігінен жүрудің оңтайлы бағытын анықтауды ұсынамыз.
Қазақстан Республикасының Молдова Республикасындағы Елшілігі: тел.+373 61 070 550, +373 60 601 676, +373 69 474 722.
Қазақстанның Молдовадағы құрметті консулы Роман Станков, тел +373 788 22 222», делінген үндеуде.