Германиялық «Бавария» футбол клубы чемпиондар лигасында жаңа рекорд орнатты, деп хабарлайды Egemen.kz.
Мюнхендік команда өз тарихында жиырмасыншы рет чемпиондар лигасының ширек финалына шықты. Осылайша еуропалық командалар арасында рекорд орнатты. Бұндай нәтижеге кәрі құрлықтың өзге ешқандай командасы қол жеткізбеген болатын. Соңғы ойында германиялық клуб австриялық «РБ Зальцбург» командасын 7:1 есебімен ойсырата жеңді.