KASE Қазақстан қор биржасы 15:00-дегі жағдай бойынша доллардың орташа бағамы 510 теңгені құрап, тағы 6,21 теңгеге көтерілгенін хабарлады, деп жазады Egemen.kz.
Ресей рублінің орташа бағамы 0,1592 теңгеге төмендеп, 5,4207 теңгені, ал Қытай юанінің бағамы 81,01 теңгені құрады.
Айырбас пункттерінде америкалық долларды 511,5-517,5 теңгеден, еуро - 582-592 теңгеден сатып алады/сатады. Рубль - 4,0-5,10 теңгені құрады.
Сонымен қатар 9 наурыздағы сауда-саттық барысында мұнайдың әлемдік бағасы да біршама өсті.
Сәуірде WTI мұнай фьючерстері 1,11%-ға өсіп, барреліне 125,07 долларды құрады.
Мамыр айында жеткізілетін Brent маркалы мұнайдың құны 1,54%-ға, яғни, барреліне 129,95 долларға дейін көтерілді.