Әл-Фараби атындағы Қазақ ұлттық университетінде «Егемен Қазақстан» республикалық газеті» АҚ Басқарма төрағасы Дархан Қыдырәлі студент жастармен кездесіп, арнайы дәріс оқыды.
Келелі кездесуге сонымен қатар Әл-Фараби атындағы Қазақ ұлттық университетінің ректоры Жансейіт Түймебаев, осы оқу ордасының профессорлары мен оқытушылары, магистранттар мен докторанттар қатысты.
Өз кезегінде Дархан Қыдырәлі Мемлекет басшысы Қ.Тоқаевтың халыққа арнаған Жолдауының тарихи маңыздылығын атап өтті. Ол Жаңа Қазақстанның болашағы білікті де білімді жастардың қолында екенін айтты. Сонымен қатар ол БАҚ саласындағы мәселелерге тоқталып, өзінің жұмыс барысындағы тәжірибелерімен бөлісті.
Еркін форматта өткен жиын аясында Дархан Қыдырәлі кездесуге қатысушылардың сұрақтарына жауап берді.
Кездесуде Әл-Фараби атындағы Қазақ ұлттық университетінің ректоры Жансейіт Түймебаев мазмұнды дәріс оқыған «Егемен Қазақстан» республикалық газеті» АҚ басшысына ризашылығын білдіріп, құрмет көрсетті.
АЛМАТЫ