Қазақстанның бес өңірінде дауылды ескерту жарияланды, деп хабарлайды Egemen.kz «Қазгидромет» РМК баспасөз қызметіне сілтеме жасап.
31 наурызда Ақтөбе облысының шығысында тұман түседі. Оңтүстік, оңтүстік-шығыстан жел соғады, түнде облыстың солтүстігінде екпіні 15-20 м/с жетеді,
Батыс Қазақстан облысының солтүстігінде тұман болады. Оңтүстік, оңтүстік-батыстан жел соғады, күндіз облыстың солтүстік-шығысында екпіні 15-20 м/с жетеді.
Нұр-Сұлтанда көктайғақ болып, таңертең тұман түседі. Оңтүстік-батыстан соққан желдің екпіні 15-20 м/с жетеді,
31 Наурызда Қостанай облысының солтүстігінде бұрқасын, көктайғақ күтіледі. Батысында, облыс орталығында тұман түседі. Оңтүстік-батыстан жел соғады, түнде облыстың басым бөлігінде, күндіз облыстың солтүстігінде, шығысында екпіні 15-20 м/с жетеді.
Көкшетауда оңтүстік-батыстан 15-20 м/с жел соғады, түнде екпіні 23 м/с жетеді.