Кеше Халықаралық хоккей федерациясы (IIHF) ұлттық құрама командалардың жаңартылған рейтингін жария етті.
Үздіктер көшін Финляндия бастап тұр. Әрине, оған еш таңдануға болмайды. Суоми елінің өкілдері былтыр Ригада өткен әлем чемпионатында күміс медальді мойындарына ілсе, биыл Бейжіңде алауы тұтанған Олимпия ойындарында бас жүлдені олжалады. Екінші орында – Канада. Үйеңкі жапырақтар елінің өрендері 2021 жылы төрткүл дүниенің теңдессіз командасы деп танылды. Үшінші сатыға Ресей жайғасты. Төртжылдықтың басты додасында олар күміс медальді иеленді. Сондай-ақ «ТОП-10» команданың қатарына АҚШ, Швеция, Швейцария, Чехия, Словакия, Германия және Дания құрамалары енді. Ал Қазақстанның хоккейшілері бұл тізімде 15-сатыға табан тіреп тұр.