Биологиялық қауіпсіздік проблемалары ғылыми-зерттеу институтының бас директоры Күнсұлу Закария Үкімет отырысында институт жұмысының нәтижесін жариялады, деп хабарлайды Egemen.kz.
«Соңғы төрт жылда вакцина өндірісінің көлемі 9 млн дозадан 49 млн дозаға дейін ұлғайды, ал диагностикалық тест-жүйелердің көлемі екі есе артты», деді К. Закария.
Білім және ғылым министрлігі 2020 жылы институттың материалдық-техникалық базасын жаңартуға 720 млн теңге, ал 2021 жылы 195 млн теңге бөлген еді.
Өз кезегінде институт 2020 жылы өз қаражаты есебінен 240 млн теңгеге, ал 2021 жылы 680 млн теңгеге жабдық сатып алды.