Қазақстанның Ұлттық қауіпсіздік комитетінің бұрынғы төрағасы Кәрім Мәсімовті қамауға алу мерзімі 6 мамырға дейін ұзартылды, деп хабарлайды Egemen.kz. Бұл туралы ҰҚК-нің Sputnik Қазақстан ресми сауалына берген жауабында айтылған.
К. Мәсімовтің бұрынғы орынбасарлары үшін де қамау мерзімі ұзартылған.
«Мәсімов пен Садықұловты қамауда ұстау мерзімі 2022 жылдың 6 мамырына дейін, Ерғожинді – 2022 жылдың 8 мамырына дейін ұзартылды», делінген хабарламада.
Сондай-ақ прокуратураға ҰҚК бұрынғы төрағасының орынбасары Марат Осиповты қамауда ұстау мерзімін үш айға дейін ұзарту туралы материалдар жіберілді.
«Күдіктілер тергеу изоляторында», деп атап өтті ҰҚК-де.
Аяна Тоғанбек