Екі ер адамды 4 «А» шағынауданындағы жағалауда және теңізде іздеу жұмыстары жүріп жатыр, деп хабарлайды Egemen.kz облыстық ТЖД баспасөз қызметіне сілтеме жасап.
Олар 19 сәуірде шамамен 20:55-те балық аулау үшін теңізге шыққан. Бірақ ауа райының құбылып кетуіне байланысты жағалауға өз бетінше қайтып орала алмаған.
Іздеуге ТЖД-нің 13 қызметкері, 1 техника және 2 суда жүзу құралы жұмылдырылды. Сондай-ақ 19 әскери қызметші де жоғалғандарды іздеп жатыр.