Президент Қасым-Жомарт Тоқаев алдағы уақытта Конституцияға өзгеріс енгізілетіндіктен мұндай форматтағы сайлау соңғы рет өтіп отырғанын айтты, деп хабарлайды Egemen.kz.
Бұл туралы Мемлекет басшысы Қазақстан халқы Ассамблеясының ХХХ сессиясы аясында ҚР Парламенті Мәжілісінің шығып қалған депутатының орнына ҚХА атынан ұсынылатын депутатты сайлауда дауыс бергеннен кейін, депутаттыққа үміткерлердің сенімді өкілдерімен кездесуінда айтты.
«Бірақ біздің Парламентте Қазақстан халқы Ассамблеясының тиісті орындары сақталады», деді Президент.
Бұған дейін Мемлекет басшысы Қазақстан халқына арнаған Жолдауында Конституцияға өзгертулер енгізуді ұсынған болатын. Осы ретте ҚХА квотасы Мәжілістен Сенатқа ауыстырылып, депутаттар саны 9-дан 5-ке дейін қысқарады.
Аяна Тоғанбек