Тараз шекара отрядына қарасты «Сыпатай батыр» заставасының шекарашылары мемлекеттік шекара қоршауларын бұзып, қырғыз жерінен елімізге қарай заңсыз өткен оннан астам жүк көліктерінің іздерін анықтады. Алдын ала болжамға қарағанда, шекара түбіндегі қазылған орларды заң бұзушылар әлдебір техниканың көмегімен (бульдозерге ұқсайды) тегістеп өткенге ұқсайды.
Оқиға болған жерге келген жедел топ Мерке ауылына кіре берісте («Анипа» ЖК уақытша сақтау қоймасы) халық тұтынатын тауарларды заңсыз алып өткен 14 «КамАЗ» көлігіне мінген Қырғыз Республикасының 12 азаматын ұстады.
Олар қылмыстық жазаға тартылатын болады, деп хабарлады ҰҚК ШҚ баспасөз қызметі.