Қабанбай батыр даңғылы мен Бөкейхан көшесінде орташа жөндеу жұмыстарына байланысты жолдар жабылады, деп хабарлады Egemen.kz Нұр-сұлтан қаласының көлік және жол-көлік инфрақұрылымын дамыту басқармасына сілтеме жасап.
Жөндеу жұмыстары қалалық полиция департаментінің әкімшілік полиция басқармасымен келісілген.
«7-9 мамыр аралығында Бөкейхан көшесі мен 8-9 мамыр аралығында Қабанбай батыр даңғылында Қабанбай батыр даңғылы мен Сығанақ көшесінің қиылысында, сондай-ақ Jusan Bank ауданындағы Бөкейхан мен Сығанақ көшелерінің арасында қозғалыс толығымен жабылады», деп хабарлады басқарма.
Кептелісте тұрмас үшін елорда тұрғындары мен қонақтары қозғалыс бағытын алдын ала жоспарлауы қажет.