Семей қаласында «Abay Media Group» медиахолдингі өз жұмысын бастады, деп хабарлайды Egemen.kz.
Жаңа ақпараттық ұйымның басшысы қызметіне Мирас Малғаждаров тағайындалды. Бұған дейін ол Өскемендегі «Шығыс Ақпарат» ЖШС басшысының бірінші орынбасары қызметін атқарған.
«Abay Media Group» ЖШС құрамына abaiaqparat.kz, abaynews.kz, semeynews.kz интернет порталдары, «Semeystan», «Типичный Семск», «Semey Life», «Semey Public», «Semey 24», «АБАЙ АҚПАРАТ» сынды интернет жобалары кіреді.
Сондай-ақ «Content analytics», IT жобаларды құрастыру және басқару, мобилография саласын дамыту бөлімдері мен «Әлеуметтік талдаулар жүргізу орталығы» бар.