Сенаторлар бір кездері қабылданған заңға қайта наразылық білдіріп, шет тілдерін 5-сыныптан бастап оқытуға ұсыныс жасады, деп хабарлайды Egemen.kz.
Сенатор Мұрат Бақтиярұлы бастауыш сыныптың білім беру жүйесіндегі үштілділік бағдарламасын сынға алды.
«Әрине, жастардың ағылшын тілін білуі - уақыт талабы. Бірақ ойлау, сананы дамыту жүйесі әлі толық қалыптаспаған қазақ бүлдіршіндеріне бірден үш тілді оқытудың қажеті қанша?», дейді сенатор.
Сондай-ақ ол әлемнің ең әлеуетті 30 елдің бастауыш сыныптарында қанша тіл оқытылатынын зерттеген. Дерегінше, екі тіл 1-сыныптан 4 елде, 2-сыныптан 5 елде, 4-сыныптан 12 елде оқытылады.
«Шет тілін білу сауаттылықтың негізгі көрсеткіші емес, әлемдік ғылымды игеруге қажетті құрал ғана», деп келтірді Мұрат Бақтиярұлы.
Салтанат Кенжебай