Шығыс Қазақстан облысының басшысы Даниал Ахметов ел Конституциясына өзгерістер мен түзетулер енгізу жөніндегі референдумда дауыс берді. Бұл туралы Egemen.kz әкімдіктің баспасөз қызметіне сілтеме жасап хабарлайды.
Басқа қала тұрғындарымен бірге кезекке тұрған өңір әкімі Өскемен қаласындағы №42 орта мектепте орналасқан №9 сайлау учаскесінде сайлау бюллетенін алып, толтырды. Сайлау комиссиясының мүшелері таңертеңнен бастап азаматтық ұстанымын білдіргісі келетін халықтың үлкен ағымы жүріп жатқанын атап өтті. Әсіресе дауыс берушілер арасында жастар көп.
«Конституцияға енгізілетін әрбір өзгеріс, сайып келгенде, біздің өмірімізге қатысты. Сондықтан мен үлкен қанағаттанушылықпен, балаларым мен немерелерімнің бақытты, гүлденген Қазақстанда өмір сүретініне кәміл сенемін», деді аймақ басшысы.
Естеріңізге сала кетейік, ұсынылып отырған реформалардың негізгі аспектісі Президенттің, Парламенттің, Үкіметтің өкілеттіктерін қайта бөлу түрінде тежемелік пен тепе-теңдіктің өзіндік жүйесін құру болып саналады.
Түзетулер бүкіл Конституцияның үштен бір бөлігін – 33 бапты қамтиды, бұл олардың ауқымын көрсетеді. Оларды референдумға шығару мемлекеттік құрылыс тұрғысынан түсінікті қадам екені сөзсіз. Жалпы, жалпыхалықтық дауыс беру – азаматтардың қандай да бір мәселе бойынша өз пікірін білдіруінің дәстүрлі тәсілдерінің бірі. Сонымен қатар бұл халықаралық тәжірибеге сәйкес келеді.