«Бүркіт» мемлекеттік авиакомпаниясы» РМК директоры лауазымына жарияланған ашық конкурс аяқталды деп жазады Egemen.kz
Оның нәтижесі бойынша кәсіпорынның басшысы қызметіне Еркебұлан Сансызбайұлы Оспанов тағайындалды.
Еркебұлан Оспанов «Бүркіт» авиакомпаниясына 2007 жылы Азаматтық авиация академиясын бітіргеннен кейін келді. Авиациялық және радиоэлектрондық жабдықтар жөніндегі инженерден бастап, бөлім бастығы, авиакомпанияның инженерлік-авиациялық қызметі цехының бастығы болып жұмыс істеді. 2018 жылғы шілде айынан бастап осы уақытқа дейін «Бүркіт» авиакомпаниясы директорының орынбасары қызметін атқарды.