ҚР Әділет министрі Қанат Мусин Елбасы өкілеттігі туралы Конституциялық заң жойылатынын мәлімдеді, деп хабарлайды Egemen.kz.
«Тұңғыш Президент туралы жеке заң болуы керек деген норма Конституциядан шығарылғандықтан, сәйкесінше, бұл заң бәрінен алынып тасталуы керек», деді ҚР Әділет министрі Қанат Мусин.
Министрдің айтуынша, бұл Конституцияға енгізілген өзгерістерге сәйкес жекелеген заңнамалық актілерге өзгерістер енгізу туралы заң жобасы аясында болады.
«Бұл түзетулер биылғы жылы Парламенттің қарауына енгізіледі», деп қосты Қанат Мусин.
Еске сала кетсек, 5 маусымда Қазақстанда Конституцияға түзетулер енгізу бойынша референдум өтті. Түзетулердің бірі еліміздің негізгі құжатынан Елбасы - ҚР Тұңғыш Президенті мәртебесін алып тастауды көздеді.