Иранда қуаттылығы 6 балдық жер сілкінісі болды, деп хабарлайды Egemen.kz Иранның ақпарат агенттігіне сілтеме жасап.
Жер сілкінісі Иранның оңтүстік бөлігінде болған. Зардап шеккендер бар, бірақ олардың нақты саны әзірге белгісіз.
Дүмпу ошағы Бендер-Ленге қаласынан солтүстік-шығысқа қарай 61 шақырым жерде орналасқан. Жер сілкінісінің ошағы 10 шақырым тереңдікте жатты.
Осы аймақтағы алғашқы жер сілкінісінен кейін екі сағат ішінде магнитудасы 4,2-ден 6,2 баллға дейін бірнеше соққылар тіркелді.