Сот Қырғызстан қазақтары қауымдастығының бұрынғы басшысы Марат Тоқтаучиковқа қатысты үкім шығарды, деп хабарлайды Egemen.kz.
24.kg ақпараты бойынша, ол Қырғызстан Республикасының ҚК 307-бабы «Мемлекетке опасыздық жасау» бойынша кінәлі деп танылып, жалпы режимдегі түзеу колониясында жазасын өтеумен 2 жыл 6 айға бас бостандығынан айырылды.
2021 жылғы сәуірде Қырғызстан Республикасының ҰҚК мемлекетке опасыздық жасаған екі азаматтың ұсталғаны туралы ақпарат таратты.
Кейін ұсталғандардың бірі - саясаттанушы Марат Қазақпаев, екіншісі - Қырғызстандағы қазақ диаспорасының экс-басшысы Марат Тоқтаучиков екені белгілі болды.
Айта кетсек, саясаттанушы Марат Қазақпаев 10 маусымда тергеу изоляторында инсульт салдарынан қайтыс болды, осыған байланысты сот оған қатысты қылмыстық істі тоқтатты.