Бүгін еліміздің басым бөлігінде қолайлы метеорологиялық жағдай сақталады, деп хабарлайды Egemen.kz «Қазгидромет» РМК-ға сілтеме жасап.
Синоптиктердің болжамынша, сейсенбі күні барлық дерлік өңірде атмосфералық ауа сапасы бірқалыпты болады.
Тек Алматы, Петропавл, Қарағанды, Балқаш, Теміртау және Жезқазған қалаларында қолайсыз метеорологиялық жағдайлар күтіледі.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың, атап айтқанда тымық ауа райы, жеңіл жел, тұман, инверсия жиынтығы.