Бұл туралы Қасым-Жомарт Кемелұлы Орталық Азия мемлекеттері басшыларының IV Консультативтік кездесуінде айтты, деп хабарлайды Egemen.kz.
«Орталық Азия халықтарының бай тарихи-мәдени мұрасын насихаттауды бірлескен жұмыстың маңызды бөлігі деп санаймын. Осы мақсатта этногеографиялық және тарихи зерттеулерді, сондай-ақ ғылыми еңбектер шығаруды бірлесіп ұйымдастыру мақсатында мемлекеттеріміздің Ғылым академиялары арасында тығыз байланыс орнату ұсынылып отыр», деді Президент.
Сондай-ақ Ұлттық мұрағат орталықтары мен кітапханалардың ынтымақтастығы негізінде ғылым саласындағы ынтымақтастықты тереңдету мақсатында мұрағаттық және зерттеу деректерімен алмасу үшін бірлескен онлайн платформа құру ұсынылды.