27 шілде мен 3 тамыз аралығында елордадағы Жолымбет көшесінен 191 көшесіне дейінгі учаскеде автокөліктерге арналған қозғалыс тоқтатылады, деп хабарлайды Egemen.kz әкімдіктің ресми сайтына сілтеме жасап.
Нұр-Сұлтан қаласы Көлік және жол-көлік инфрақұрылымын дамыту басқармасына Чехоев көшесіндегі жол төсемі бойынша жұмыстар басталды.
Осыған байланысты, 27 шілде мен 3 тамыз аралығында Жолымбет көшесінен 191 көшесіне дейінгі учаскеде автокөлік құралдары үшін қозғалыс шектеледі.
«Елорда тұрғындары мен қонақтары қала жолдарында кептеліс тудырмау үшін қозғалыс бағыттарын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды сұраймыз», делінген ведомство хабарламасында.